અફઘાનિસ્તાન સેમિફાઇનલમા, ફેન્સનુ બીપી વઘારી દે તેવી મેચ રહી, ઓસ્ટ્રલીયા બહાર

અફઘાનિસ્તાન સેમિફાઇનલમા, ફેન્સનુ બીપી વઘારી દે તેવી મેચ રહી, ઓસ્ટ્રલીયા બહાર

ICC મેન્સ T20 વર્લ્ડ કપ 2024માં સુપર 8 તબક્કાની છેલ્લી મેચમાં બાંગ્લાદેશ અને અફઘાનિસ્તાન વચ્ચે રોમાંચક મુકાબલો થયો હતો. બંને ટીમો વચ્ચેની આ મેચ કિંગ્સટાઉનના આર્નોસ વેલ ગ્રાઉન્ડમાં રમાઈ હતી. આ મેચમાં અફઘાનિસ્તાનની ટીમે બાંગ્લાદેશને 8 રને હરાવીને સેમી ફાઇનલમાં જગ્યા બનાવી લીધી છે. 27મીએ અફઘાનિસ્તાન ત્રિનિદાદમાં સેમિફાઇનલમાં દક્ષિણ આફ્રિકા સામે ટકરાશે.બાંગ્લાદેશને આ મેચ જીતવા માટે 114 (DLS)નો ટાર્ગેટ હતો. પરંતુ નવીન ઉલ હકે સતત બે વિકેટ લઈને મેચ અફઘાન ટીમની તરફેણમાં ફેરવી દીધી હતી.

છેલ્લી 2 ઓવરમાં બાંગ્લાદેશને જીતવા માટે 12 રનની જરૂર હતી, 8 વિકેટ પડી ગઈ હતી. બાંગ્લાદેશનો સ્કોર 102/8 હતો. નવીન ઉલ હક 18મી ઓવર નાખવા આવ્યો હતો. આ ઓવરમાં તસ્કીન અહેમદ નવીનને ક્લીન બોલ્ડ થયો હતો. લક્ષ્યનો પીછો કરતી વખતે બાંગ્લાદેશની શરૂઆત ખૂબ જ ખરાબ રહી હતી. તેણે બીજી ઓવરમાં જ ફઝલહક ફારૂકીના બોલ પર તનજીદ હસનની વિકેટ ગુમાવી દીધી, જે ખાતું પણ ખોલી શક્યો ન હતો. ત્યારબાદ નવીન ઉલ હકે સતત બોલ પર નઝમુલ હુસૈન શાંતો (5) અને અનુભવી ખેલાડી શાકિબ અલ હસન (0)ને આઉટ કર્યા હતા.

આ પછી રાશિદ ખાને મેચની પહેલી જ ઓવરમાં સૌમ્યા સરકાર (10)ને આઉટ કર્યો, જે આઉટ થનાર બાંગ્લાદેશનો ચોથો બેટ્સમેન હતો, જેને રાશિદ ખાને પોતાના જ બોલ પર ક્લીન બોલ્ડ કર્યો હતો. આ પછી, રાશિદ ખાને તેની આગામી ઓવરમાં તૌહીદ હૃદયોય (14)ને ઈબ્રાહિમ ઝદરાનના હાથે કેચ આઉટ કરાવ્યો. આ પછી, રાશિદ ખાનનો જાદુ ફરી એકવાર કામ કરી ગયો, જ્યારે તેણે 80ના સ્કોર પર મહમુદુલ્લાહ (6) અને રાશિદ ખાન (0)ને સતત આઉટ કરીને મેચમાં પોતાની ચાર વિકેટ પૂરી કરી.આ પછી ગુલબદ્દીન નાયબ આવ્યો, તેણે તનઝીમ હસન (3)ને મોહમ્મદ નબીના હાથે કેચ આઉટ કરાવીને બાંગ્લાદેશી ટીમને આઠમો ઝટકો આપ્યો.

ટોસ જીતીને પ્રથમ બેટિંગ કરતા અફઘાનિસ્તાને પાંચ વિકેટે 115 રન બનાવ્યા હતા. અફઘાન ટીમની શરૂઆત ઘણી ધીમી રહી હતી. ઈબ્રાહિમ ઝદરાન અને રહેમાનુલ્લા ગુરબાઝે 10.4 ઓવરમાં 54 રનની ભાગીદારી કરી હતી. આ દરમિયાન ગુરબાઝ અને ઝદરાન પાવરપ્લેનો ફાયદો ઉઠાવી શક્યા ન હતા. લેગ સ્પિનર રિશાદ હુસૈને ઝદરાનને આઉટ કરીને આ ભાગીદારીનો અંત કર્યો હતો. ઓપનિંગ ભાગીદારી તૂટ્યા બાદ અફઘાનિસ્તાને નિયમિત અંતરે વિકેટો ગુમાવી હતી. અઝમતુલ્લા ઉમરઝાઈ (10), ગુલબદ્દીન નાયબ (4) અને મોહમ્મદ નબી (1)એ બેટિંગમાં નિરાશાજનક પ્રદર્શન કર્યું હતું.

અફઘાનિસ્તાન તરફથી રહેમાનુલ્લા ગુરબાઝે 55 બોલમાં 43 રન બનાવ્યા જેમાં ત્રણ ચોગ્ગા અને એક છગ્ગાનો સમાવેશ થાય છે. જ્યારે ઈબ્રાહિમ ઝદરાને 29 બોલમાં 1 ફોરની મદદથી 18 રનની ઇનિંગ રમી હતી. કેપ્ટન રાશિદ ખાને 10 બોલમાં ત્રણ સિક્સરની મદદથી અણનમ 19 રન બનાવ્યા હતા. બાંગ્લાદેશ તરફથી રિશાદ હુસૈને સૌથી વધુ ત્રણ વિકેટ લીધી હતી. જ્યારે મુસ્તફિઝુર રહેમાન અને તસ્કીન અહેમદને એક-એક સફળતા મળી.